പ്രിയ ഗിരീഷ് മാഷ് കൈത്തിരി ഓൺലൈനിലേക്ക് സ്വാഗതം...!!

                                                               
                                                          ഗിരീഷ് മാരേങ്ങലത്ത്

അദ്ധ്യാപകൻ,കവി,ഫോട്ടോഗ്രാഫർ...

ഇന്ത്യയിലാദ്യമായി മൊബൈൽ ഫോണിലെടുത്ത ഫോട്ടോകളുടെ പ്രദർശനം സംഘടിപ്പിച്ചു.രാജ്യത്തിന്റെ വിവിധ ഭാഗങ്ങളിലായി നടത്തിയ നൂറ്റിയിരുപതോളം ഫോട്ടോ പ്രദർശനങ്ങളിലൂടെ പത്തുലക്ഷത്തോളം ആളുകളിലേക്ക്‌ 'ക്രീയേറ്റീവ് മൊബൈൽ ഫോട്ടോഗ്രാഫി' എന്ന ആശയം എത്തിച്ചു.

കാഴ്ച-ഒറ്റക്കണ്ണിലൊരുങ്ങുന്നൊരാരവം എന്നുപേരിട്ട പ്രദർശനത്തിൽ സാമൂഹ്യവിമർശനം,പരിസ്ഥിതി,ജീവിതത്തിലെ നിമിഷങ്ങൾ എന്നിങ്ങനെ ആറു വിഭാഗങ്ങളിലായി 175 ചിത്രങ്ങളും 50 വൈൽഡ് ലൈഫ് ചിത്രങ്ങളുമടക്കം 225 ചിത്രങ്ങളാണുള്ളത്.

ഏറ്റവും കൂടുതൽ മൊബൈൽ ഫോട്ടോഗ്രാഫി പ്രദർശനങ്ങൾ നടത്തിയതിനെ അംഗീകരിച്ചുകൊണ്ട് ലിംകാ ബുക്ക് ഓഫ് റെക്കോർഡ്‌സ്,ഇന്ത്യ ബുക്ക് ഓഫ് റെക്കോർഡ്‌സ്,യൂ.ആർ.എഫ്.വേൾഡ് റെക്കോർഡ്‌സ് എന്നിവയിൽ ഗിരീഷിന്റെ മൊബൈൽ ഫോട്ടോഗ്രാഫി ഇടം പിടിക്കുകയുണ്ടായി.

2007  ലെ എയർ ഇന്ത്യ ബെസ്റ്റ് ടീച്ചർ അവാർഡും കുട്ടികൾക്കായി നടത്തുന്ന നൂതന പദ്ധതികളെ അംഗീകരിച്ചുകൊണ്ട് 2015 ലെ ഗ്ലോബൽ ടീച്ചർ റോൾ മോഡൽ അവാർഡും ഗിരീഷിനെ തേടിയെത്തി.

രണ്ടുപേർക്കും ലീവില്ല(കവിതാ സമാഹാരം),

ഹോ..! എന്നീ പുസ്തകങ്ങളും ഗിരീഷിന്റേതായി പ്രസിദ്ധീകരിക്കപ്പെട്ടിട്ടുണ്ട്.

നിലവിൽ കാളികാവ് ബസാർ ഗവ.യൂ.പി.സ്കൂളിൽ അധ്യാപകനായി ജോലി ചെയ്യുന്നു.

പ്രിയ ഗിരീഷ് മാഷ് കൈത്തിരി ഓൺലൈനിലേക്ക് സ്വാഗതം...!!

അമ്മ-സന്തോഷ് മലയാറ്റിൽ

സന്തോഷ് മലയാറ്റിൽ

അമ്മ

കാലത്ത് മുറ്റമടിച്ചിടുമ്പോള്‍

അമ്മ മുറ്റത്ത് വെറുതെ തെരയും

അച്ഛന്‍ ഇറങ്ങിപ്പോയപ്പോള്‍

മുറ്റത്ത് പതിഞ്ഞ കാല്പാടുകള്‍..

അടുപ്പില്‍ വിറകുവെച്ച്

ഊതുമ്പോള്‍ തെറിച്ച

ചാരത്തെ പഴിപറഞ്ഞ്

കണ്ണുതുടയ്ക്കും.

കട്ടന്‍ചായ ചൂട്നോക്കി

ഉമ്മറപ്പടിയില്‍ നിന്ന്

ചാരുകസേരയിലേക്ക് 

നോക്കി ദീര്‍ഘശ്വാസം വിടും.

കുളിക്കാന്‍ നടക്കുമ്പോള്‍

വെറുതെ പുറകിലേക്ക് നോക്കി

അടുക്കളകണക്കില്‍ ചേര്‍ക്കേണ്ട

ഉപ്പും,മുളകും പഞ്ചസാരയും

വിളിച്ചു പറയും..!

ഇറയില്‍ തൂക്കിയിട്ട 

ഭസ്മത്തട്ടിലേക്ക് 

കൈനീട്ടുമ്പോഴാണ്

അമ്മ ദൈവങ്ങളുടെ ചിത്രങ്ങള്‍ക്കിടയില്‍

അച്ഛനെ കാണുന്നത്   ..!

ചന്തു-

മഴനൂൽചിറകുള്ള മേഘപക്ഷി- പ്രിയസുനിൽ

പ്രിയസുനിൽ

മഴനൂൽചിറകുള്ള മേഘപക്ഷി

മുഖത്ത് തണുത്ത ചുംബനമേററാണ് മേഘ കണ്ണുകൾ  തുറന്നത്.''      എന്നെ മറന്നോ?'' ആർദ്രമായൊരു കുറുകൽ കാതുകളെ തഴുകിത്തലോടി.അകവും പുറവും നനഞ്ഞുകുതിർന്ന് അവളുണർന്നു.ബസിനുള്ളിൽ ജനൽഷട്ടറുകൾ വീഴുന്ന ബഹളം.''കുട്ടീ അതൊന്ന് താ ഴ്ത്തൂ ,വെള്ളം വീഴുന്നു'' തൊട്ടരികത്ത് നിന്നുയർന്ന ശബ്ദം പോലും അവൾ കേൾക്കുന്നുണ്ടായിരുന്നില്ല.  ഏറെ നാളുകളായി കൊതിച്ച് കാത്തിരുന്ന കരലാളനങ്ങളിൽ മതിമറന്ന് കുളിർന്ന് വിറച്ച് അലിഞ്ഞില്ലാതാവുന്ന  സുന്ദരനിമിഷങ്ങൾ    !

വരണ്ടകാലത്തിൻറെ അടുക്കുകളിൽ പെട്ട് ഞെരുങ്ങിക്കിടന്ന ഓർമകൾ പുററുപൊട്ടിച്ച് പുറത്തിറങ്ങിത്തുടങ്ങി.

''മാളൂ ,ഇന്നലേം നിൻറച്ഛൻ കുടിച്ച് വന്ന് ലീലമ്മേത്തല്ലിയോ   ?''

''ഉം...അതെന്നൂള്ള കാര്യല്ലേ  ന്താ പ്പോ ത്ര ചോയ്ക്കാൻ        ? മേഘയ്ക്ക് ന്ത് സുഖാ! അമ്മ വക്കീലും അച്ഛൻ  പോലീസും നല്ല ഉടുപ്പും കളിപ്പാട്ടോം ''

പാടവരമ്പത്തെ ചളിയിൽ പൂണ്ടുപോയ കാൽ വലിച്ചെടുത്ത് മേഘ മാളുവിനെ ഒന്നു നോക്കി.

''തോട്ടിലിറങ്ങി കാലൊന്നു കഴ്ക്യാലോ?''

''വേണ്ടട്ടോ വക്കീലമ്മ ചീത്തപറയും.മഴവര്ണ്ട് തോന്ന്ണു മേഘേ ആ കൊടയൊന്ന് നീർത്തൂ    '' അതെ ,

ദൂരെ നിന്ന്  കൊതിപ്പിക്കുന്ന ഒരാരവം അടുത്തടുത്ത് വരുന്നുണ്ട്.     മലമുകളിൽ ചാടിത്തിമിർത്ത് തോടിറങ്ങി പാടം കടന്ന് ഒരുകുഞ്ഞുമഴ അരികത്തെത്തി വാരിപ്പുണർന്നു.പടിപ്പുരവാതിൽ തുറക്കുമ്പോഴേക്കും ഓടിയെത്തി ഉമ്മ തരാറുള്ള മുത്തശ്ശിയെപ്പോലെത്തന്നെ മഴയും !കുട മാളുവിനെ ഏൽപ്പിച്ച് അവൾ നനഞ്ഞ് നടന്നു.വരമ്പത്ത് ഓടിക്കളിക്കുന്ന ഞണ്ടിനും കുഞ്ഞുമാളങ്ങളിൽ നിന്ന് മാനത്തേക്കെത്തി നോക്കുന്ന  തോട്ടിലെ വെള്ളത്തിൽ കുത്തിമറയുന്ന മീനിനും ഒന്നും വേണ്ടാത്ത കുട!

സ്കൂളിൽ  ചെല്ലുമ്പോൾ ''അമ്മയോട് ഞാൻ പറയുന്നുണ്ട് ട്ടോ കുറുമ്പീ'' എന്ന വാത്സല്യം കലർന്ന വഴക്ക് കേൾക്കാനും മേഘയ്ക്കിഷ്ടായിരുന്നു.തലതുവർത്

നാലാം ക്ളാസ് കഴിഞ്ഞതോടെ ''ഗവൺമെൻറുസ്കൂളൊക്കെ മോശാ''എന്നും പറഞ്ഞ് അമ്മയവളെ മാററിച്ചേർത്തു.പണിക്കാരി ലീലയുടെ മകൾ മാളു എല്ലാക്കാര്യത്തിലും മേഘയേക്കാൾ മുന്നിലായിരുന്നത് അഡ്വക്കേററ് വിമലാവർമയ്ക്ക് സഹിക്കുന്നുണ്ടായിരുന്നില്ല.വലി

    ഓരോ വർഷം പിന്നിടുന്തോറും മകളുടെ പഠനപുരോഗതിരേഖ കയററം കയറാനാവാതെ നിന്ന് കിതക്കുന്നത് വിമലയെ അസ്വസ്ഥയാക്കി.ഒൻപതാംക്ളാസിലെത്

  കുടമാററിവച്ച് മഴകൊള്ളുന്ന പെൺകുട്ടിയുടെ ചിത്രവും 'നമുക്കിടയിലൊരു മറയെന്തിന്?' എന്ന അടിക്കുറിപ്പും പുസ്തകത്തിനിടയിൽ നിന്നൂർന്നു വീണത് മലയാളം അധ്യാപകൻ മനുമാഷിൻറെ കാൽച്ചുവട്ടിലാണ്.''           മിടുക്കി ഇനിയും വരയ്ക്കണം.നല്ല ഭാഷയുണ്ട് മേഘയ്ക്ക്  എഴുതാറുണ്ടോ       ?''മഴയും മുത്തശ്ശിയും മലയാളവും പോലെ ഇഷ്ടങ്ങളുടെ പട്ടികയിൽ അന്നുമുതൽ മനുമാഷും ചേർന്നു.കവിതകൾ വായിച്ച് മാഷ് കൗതുകപ്പെട്ടു.''സർവം മഴ! അച്ഛനും അമ്മയും അറിഞ്ഞിട്ട പേരാണല്ലേ?''

      കാറും കോളുമായി ഒരു തുലാവർഷസന്ധ്യ ... ഇഷ്േടശ്വരൻറെ വരവറിയിച്ച കാററിനെ നോക്കി ശൃംഗാരച്ചിരിയോടെ മേഘയിരുന്നു.അലസമായ ഇരുത്തം കണ്ടാൽ ട്യൂഷൻ നിർത്തി ശല്യക്കാരൻ എണീററ് പൊക്കോളുമെന്ന വ്യാമോഹവും ഉള്ളിലുണ്ടായിരുന്നു.അമ്മ വരാൻ െെവകുമെന്നതും അച്ഛന് നൈററ്ഡ്യൂട്ടിയാണെന്ന കാര്യവും അവളേക്കാൾ നന്നായി  അയാൾക്കറിയാമായിരുന്നു.പതുക്കെ തുടയിലൂടെ അരിച്ചുകയറിയ കൈകൾ തട്ടിമാററി അവളെണീററു.എതിർപ്പുകൾ അവഗണിക്കപ്പെട്ടു.ബലിഷ്ഠകരങ്

''മഴപെയ്തപ്പോൾ കേറീതാട്ടോ   .അമ്മ വന്നില്ലേ      ? ഞാനീ സിററൗട്ടിലിരുന്നോളാം.       മോളൊരു തോർത്തിങ്ങെടുത്തേ'പൊട്ടിക്

അപ്രതീക്ഷിത വേഗത്തിൽ വെളിയിൽ ചാടിയ ട്യൂഷൻ മാസ്ററർ വാതിൽ പുറത്തുനിന്ന് പൂട്ടി.   എന്താണ് സംഭവിക്കുന്നതെന്ന  പതർച്ചയിൽ അൽപസമയം.

''ഞാൻ വന്നപ്പോൾ രണ്ടും കൂടി അകത്ത്.    ഒന്നുമില്ലെങ്കിലും ഇവനൊക്കെ ഒരധ്യാപകനല്ലേ?'' 

ട്യൂഷൻ  സാറിൻറെ ശബ്ദത്തോടൊപ്പംസദാചാരലംഘനം മണത്ത പട്ടിക്കൂട്ടത്തിൻറെ വന്യമായ മുരൾച്ച!വാതിൽ തുറന്നതും എന്തോ പറയാനാഞ്ഞ മനുവിൻറെ തലയിൽ  ആദ്യത്തെ അടി വീണു.

മഴ ,മേഘയേയും കൊണ്ടോടുകയായിരുന്നു.          കോരിച്ചൊരിയുന്ന ആ  സ്േനഹവായ്പിൽ അവളെല്ലാം മറന്നു.ഇരുട്ടിനോ ഇടിമുഴക്കത്തിനോ ഭയപ്പെടുത്താനാവാത്ത വിധം ധീരമായിരുന്നു അവളുടെ ചുവടുകൾ.       മഴയുടെ െെകപിടിച്ചവളെത്തിയത് പ്രിയങ്കരിയായ രാധടീച്ചറുടെ വീട്ടിൽ! അസമയത്ത് അങ്ങനെ ഒരവസ്ഥയിൽ ശിഷ്യയെ കണ്ടിട്ടും ചോദ്യശരങ്ങളാൽ മുറിപ്പെടുത്താതെ, തലതുവർത്തി ഒരുമ്മയും കൊടുത്ത് ടീച്ചറവളെ അകത്തുകേററി.

      മുടങ്ങാതെ സന്ദർശിച്ചോളാമെന്ന ഉറപ്പിലാണ് ടീച്ചറവളെ തിരികെ വീട്ടിലെത്തിച്ചത്.         വിശാലമായ ജാലകങ്ങളുള്ള മുറിയിൽ വീട്ടുകാരിൽ നിന്നകന്ന്, പുറംലോകം കാണാതെ അവളിരുന്നു.ജനൽപാളികൾ തുറന്നിട്ട് മഴയോടുമാത്രം കിന്നാരം പറഞ്ഞ   മഴയും അവളും മാത്രമുള്ള നിമിഷങ്ങൾ ജീവൻ തുടിക്കുന്ന ചിത്രങ്ങളായി.ഇടയ്ക്ക് സന്ദർശകയായെത്തുന്ന രാധടീച്ചർക്ക് മാത്രമായിരുന്നു അവ ആസ്വദിക്കാനുള്ള അവകാശം.

        നഗരത്തിലെ ആർട്ഗാലറിയിൽ നടന്ന ചിത്രപ്രദർശനത്തിൽ മഴയെ മുട്ടിയുരുമ്മിനിന്ന മേഘ ഒരു കൗതുക കാഴ്ചയായി.അഭിനന്ദനങ്ങളും ഉപഹാരങ്ങളും കൊണ്ട് െെകകളും മനസ്സും നിറഞ്ഞു.

      ''ഇങ്ങനെയുണ്ടോ ഒരു പ്രാന്ത്! ഷട്ടറിടാഞ്ഞിട്ട് ബാക്കിയുള്ളോരും കൂടെ നനഞ്ഞു''      ബസിൽ അടുത്തിരുന്ന സ്‌ ത്രീ

അപ്പുറത്തെ സീററിലേക്ക് മാറിയിരുന്നു.   മേഘയുടെ നനഞ്ഞ ചുണ്ടുകളിൽ ഒരു ചിരിവിരിഞ്ഞു.        മഴതോർന്ന മാനത്തുനിന്നൊരു പ്രകാശകിരണം അതിൽ വീണ് മഴവിൽ വർണങ്ങൾ തീർത്തു.

പ്രിയസുനിൽ

ഡെങ്കു-കാർട്ടൂണിസ്റ്റ് ശ്രീ

ഡെങ്കു 

കാർട്ടൂൺ45-മനോജ് മൂക്കൻതോട്ടം

ഒരു ഫൈവ് സ്റ്റാർ  യോഗി 

ഉടൽ ഗണിതം-സൈനബ് ചാവക്കാട്

സൈനബ് ചാവക്കാട്

ഉടൽ ഗണിതം

ചില ആലിംഗനങ്ങളുണ്ട് ..

ഉടലഴകിന്റെ

സൂത്രവാക്യങ്ങളിലേക്ക് മാത്രം

ചേർത്തുവെയ്ക്കപ്പെട്ടത് ...

നട്ടപ്പാതിരയുടെ

വെറ്റില മുറുക്കിന്റെ

ചുവപ്പുകൾ

അടയാളപ്പെടുത്തിയ

വേപഥുകളുണ്ടതിൽ ..

തുള വീണ പായോട്

ഒട്ടിപ്പോയ കവിളിലെ

പുഴുവരിക്കുന്ന

വ്രണമുണ്ട് ...

പോക്കുവരവിന്റെ

നഖക്ഷതങ്ങളുടെ

ചൂടിൽ വെന്ത

ആമാശയങ്ങളുടെ

ഗന്ധമുണ്ട് .....

ഇരുട്ടു മുഖങ്ങളുടെ

ഗർജനമേറ്റ്

ചുറ്റിയുടുത്ത

ചെറു കിനാക്കൾ

അഴിഞ്ഞു വീണു കൊണ്ടേ ഇരുന്നു ...

സൈനബ് ചാവക്കാട്

പുത്തൻ സംസ്കാര പ്രതിമകൾ-പീജി നെരൂദ

പീജി നെരൂദ

പുത്തൻ സംസ്കാര പ്രതിമകൾ

അച്ഛന്റെ തോളിൽ തല ചരിച്ചിട്ട് കുഞ്ഞു മനസ്സ് വിങ്ങിപ്പൊട്ടി കരഞ്ഞ് വിളിച്ചു മുത്തച്ഛ ….. എന്നെ കൂടെ കൊണ്ടു പോ….. എന്നെ വിട്... എനിച്ച് മുത്തച്ഛന്റെ കൂടെ പോയാൽ മതി… മുത്തച്ഛാ……….!'

 കാഴ്ചയും പ്രസരിപ്പും നഷ്ടപ്പെട്ട തന്റെ കണ്ണിലൂടെ ഒഴുകിയ കണ്ണുനീർ വേർപാടിന്റെ വേദനയോടെ തല തല്ലി വേഗത്തിൽ താഴേക്ക് ഒഴുകി നീങ്ങി. പല്ല് കൊഴിഞ്ഞ ചുണ്ടുകൾ കടിച്ച് പിടിച്ച് വേദനയും നൊമ്പരവും പുറത്തേക്ക് ഒരു തേങ്ങലായി മാറാതിരിക്കാൻ ശ്രമിച്ചു കൊണ്ടെ ഇരുന്നു .

കുത്തിപ്പിച്ച വടിക്ക് തന്റെ ശരീരത്തെ താങ്ങാൻ പാകമാണെന്ന് സ്വയം വിശ്വസിപ്പിച്ചു കൊണ്ട് അകത്തേക്ക് നടന്ന് നീങ്ങി. ഇനി ഒരു വട്ടം കൂടി തന്റെ പേരക്കിടാവിനെ ഉമ്മറത്തെ കസേരയിൽ തന്റെ മടിയിൽ ഇരുത്തി കഥകൾ പറഞ്ഞ് കൊടുത്ത് പ്രായം തിലകക്കുറി പോലെ ചാർത്തി തന്ന നരച്ച നെഞ്ചിലെ രോമത്തിൽ തലചേർത്ത് ഉറക്കിയ നാളുകൾ ഓർത്ത്. വലിച്ചെറിഞ്ഞ കരിബിൻ ചണ്ടി കണക്കെ ഇവിടെ ജീവിച്ച് തീർക്കാം.…!

പുതുപുത്തൻ സംസ്കാരം തിരക്ക് പിടിച്ച നിരത്തുകളും അതിലും വേഗത്തിൽ ജീവിക്കുന്ന ആളുകളും .അമേരിക്കൻ സംസ്കാരത്തിന്റെ പുത്തൻ ചോല മതിവരുവോളം നുകരാം അല്ലാത്തവർക്ക് വിശന്ന് ദാഹിച്ച് ചാവാം. ബാൽക്കണിയിലെ ദൂരേക്ക് നോക്കി അവൾ ഉറക്കെ വിളിച്ചു  

മുത്തച്ഛാ…….. മുത്തച്ഛ…. 

മുത്തച്ഛൻ എവിടെയാ ?

ഒളിച്ചിരിക്കണ  

ഞാൻ പിണങ്ങൂട്ടോ… വേഗം വരൂ…

 ഞാൻ ഒന്നും കഴിക്കൂല ട്ടോ…….

കരഞ്ഞ് കരഞ്ഞ് ഞ്ഞെരിഞ്ഞ് അമർന്ന കണ്ണുകൾ ഉറക്കം രക്ഷസൻ വിഴുങ്ങും കണക്കെ അം.. എന്ന് വിഴുങ്ങി … 

രക്ഷസന്റെ വായിൽ നിന്ന് കണ്ണ് തിരുമിപുറത്ത് വന്നു ദാ.. മുത്തശ്ശൻ ബാൽക്കണിയിൽ കസേരയിൽ ചാരി ഇരിക്കുന്നു . "മുത്തച്ഛാ" എന്ന് ഉറക്കെ വിളിച്ച് മടിയിലേക്ക് ചാടി കയറി ഇരുന്നു .കവിളിൽ തുരുതുര ഉമ്മവെച്ചു എന്നിട്ടും സ്നേഹവും സന്തോഷവും തീരാതെ കെട്ടിപ്പിടിച്ചു.അടുക്കളയിൽ അമ്മ നിൽക്കുന്നു "അമ്മാ" എന്ന് വിളിച്ച് പിന്നിൽ നിന്ന് കെട്ടി പിടിച്ചു….  അവൾ ഇന്ന് സന്തോഷത്തിൽ മതിമറന്നു ബെഡ്റൂമിലേക്ക് ഓടി അവിടെ "അച്ഛൻ " മുട്ട് കുത്തി ആനയെ കണക്കെ നിൽക്കുന്നു അച്ഛന്റെ പുറത്ത് കയറി കളിച്ചു വീണ്ടും മുത്തച്ഛന്റെ അടുത്ത്… മടിയിൽ…. കയറി ഇരുന്നു  മുത്തച്ഛന്റെ മടിയിൽ ഉറങ്ങി .  

ജോലി കഴിഞ്ഞ് വന്ന അമ്മയും അച്ഛനും അടുക്കളയിലും ബഡ്റൂമിലും  ഇരുന്ന രണ്ട് പ്രതിമകളും എടുത്ത് മകൾ കാണാതിരിക്കാൻ അലമാരയിൽ വെച്ച് പൂട്ടി….

"രണ്ട് പേരും തന്റെ മകൾ ഉണരുന്നതും കാത്ത് പ്രതിമനിന്ന കണക്കെ നിന്നു.'… "

…പീജി നെരൂദ….

തണുപ്പിന്റെ ആഘോഷങ്ങൾ-ഷിബു നെല്ലായ

ഷിബു നെല്ലായ

തണുപ്പിന്റെ ആഘോഷങ്ങൾ

തണുപ്പിന്റെ 

ആഘോഷങ്ങളിൽ

അറ്റം പിളർന്ന

തുളവീണ

പുതപ്പുമായാണു

പിടിവലി,

തലമൂടുമ്പോൾ

കാൽപുറത്ത്‌

കാലുമൂടുമ്പോൾ

തലപുറത്ത്‌.

വിടവുകളിൽ 

നുഴഞ്ഞ്‌, 

ഉറക്കം തുളയ്ക്കാനെത്തും

കൊതുകിന്റെ മൂളൽ

വക്കുപൊട്ടിയ

തകരപ്പാത്രത്തിൽ

ചിന്നിത്തെറിച്ച്‌

മേൽക്കൂരവിലൂടെ

ഊർന്നിറങ്ങിയ

മഴമേളങ്ങൾ...

മണ്ണെണ്ണവിളക്കിന്റെ

ഇത്തിരിവെട്ടമുലച്ചും

കെടുത്തിയും

കാറ്റിന്റെ വെപ്രാളം

അടുക്കളക്കോണിൽ

നീറിപ്പുകഞ്ഞ്‌

ഉടലുരുകി

നനഞ്ഞ കനൽ..

ഷിബു നെല്ലായ