ഭൂമി-ശൈലേഷ് പട്ടാമ്പി

ശൈലേഷ് പട്ടാമ്പി

പാലക്കാട് പട്ടാമ്പി സ്വദേശി 

വിദ്യാഭ്യാസം :ഐ.ടി.ഐ.,എം.എ  ഇംഗ്ലീഷ് ലിറ്ററേച്ചർ

വിനോദം: കവിത, കഥ, ആൽബം ഗാനങ്ങൾ എന്നിവ എഴുതുന്നു

അച്ഛൻ: ഗോപകുമാർ

അമ്മ: അംബിക

ഭൂമി

എനിക്കൊരു ദിനമെന്തിനു?

ആയുസ്സു ക്ഷയിച്ചുപോയൊരു

അമ്മതൻ രോധനം"...

ഹരിതഭംഗി തുളുമ്പും എന്റെ ചേലയുരിഞ്ഞവർ,

എന്റെ കണ്ണീർ കുടങ്ങൾ വറ്റിച്ചു

കളഞ്ഞവർ

പറയു എനിക്കെന്തിനൊരു ദിനം...

മക്കളാം നിങ്ങളെ മടിത്തട്ടിലിട്ടു

വളർത്തിയ അമ്മതൻ ദു:ഖം ആരറിയാൻ?

ആനന്ദകണ്ണീരാം മഴയിനിയില്ല

ഇനിയുള്ളത് എന്റെ നാശത്തിന്റെ

വിയർപ്പുതുള്ളികൾ .....

എന്റെ അമൃതകുംഭത്തിൽ നിന്നുടലെടുത്ത

പുഴകളെവിടെ.....?

തോടുകൾ, കായലുകൾ

എല്ലാം മലിനം....

വിഷം നൽകി പതിയെ കൊല്ലുന്ന

മക്കളേ ഓർക്കുക....

സർവ്വനാശത്തിലേക്ക്.

ഹേ ആദിത്യാ നിന്റെ

താപവലയത്താലെന്നെ നീ എരിച്ചു കൊൾക !

എന്റെ ദു:ഖങ്ങളിന്നു കവിതാദിനത്തിലൊരു 

കവിതയായ് മാറുന്നിതാ .....

ശൈലേഷ് പട്ടാമ്പി(കവിതാദിനത്തിൽ രചിച്ചത് )