ഓട-അനുജി കെ. ഭാസി

അനുജി കെ. ഭാസി

ആനുകാലികങ്ങളിൽ എഴുതുന്നു.ദൂരദർശനുവേണ്ടി സ്ക്രിപ്ടുകൾ എഴുതാറുണ്ട്.

കവിതയ്ക്ക് കാവ്യവേദി പുരസ്കാരം ലഭിച്ചു.ഇപ്പോൾ ഭാസ് ബുക്സ് എന്നപേരിലൊരു 

പബ്ലിക്കേഷൻസ് സ്ഥാപനം നടത്തുന്നു.

വിലാസം :

ഭാസ് ബുക്സ് 

ഇത്തിത്താനം പിഓ

ചങ്ങനാശ്ശേരി-686535

ഓട

പുഴുവീണ നീറ്റിലൂടൊരു

വിൺകിനാവിന്റെ 

ചലനവും ഭ്രമണവും

ചരിതാർത്ഥ്യവുംനോക്കി

അഴുകിത്തുരുമ്പിച്ച്

വീഴുന്നു കേഴുന്നു

പുലരിത്തുടിപ്പിലെ കാറ്റ്! 

ഇവിടെ നാമന്യരല്ലായിരം

കൈകളാൽ

ഉരുകിച്ചുവന്നൊരാലോഹം

ഇവിടെക്കിടന്ന്

ദ്രവിക്കുകില്ലീസ്വരം

പഥികരാണീവഴികൾനീളെ

ഒരുവിരൽപ്പാടിൻ

നനുത്തശിഖരങ്ങളാൽ

ഒരുമയ്ക്ക് വേണ്ടി

വിടർന്നൊരീകൈയ്യുമായ്

ദൃഢസത്യമന്യോന്യമോതേ,

ഒഴുകിത്തടഞ്ഞു

കിടപ്പുണ്ട് നമ്മുടെ

സ്മൃതിയിലെ പണ്ടത്തെഗാന്ധി!

ഒരുവറ്റ്ചോറും

കലങ്ങിയ കണ്ണുമായ് -

നരജന്മയാചനപോലെ

ഒരു പരലുപ്പുമായ്

ആയിരംവർഷത്തെ

പതനമാകണ്ണിൽതറയ്ക്കെ

മലിനമാണിവിടം

അറയ്ക്കുന്നരോദനം,

ചലനമില്ലാത്തൊരീയോട!!!

               അനുജി കെ. ഭാസി