മഴത്തൂവൽ തൊപ്പി - എം.സങ്

മഴത്തൂവൽ തൊപ്പി .................... എം.സങ് ............... മഴത്തൂവൽ കൊണ്ട് മേഘങ്ങൾ എനിക്കൊരു തൊപ്പിതന്നു! ആകാശത്തിന്റെ അതിരിലൂടെ അതും അണിഞ്ഞ് പാറി നടന്നു ! മിന്നൽ തന്ന സ്വർണ കവചം എന്നെയും നക്ഷത്രമാക്കി! മേഘങ്ങളുടെ കരഘോഷത്തിൽ മതിമറന്നു ഞാൻ നൃത്തമാടി!' രാത്രി കടുത്തപ്പോൾ പെരുമഴയൊത്ത് ഞാൻ ഭൂമിയിലെത്തി. അപ്പോൾ നക്ഷത്രങ്ങളെന്നെ കൊഞ്ഞനം കുത്തിക്കൊണ്ടേയിരുന്നു! എങ്കിലും മഴത്തൂവൽ തൊപ്പിയിൽ രുചിച്ച കണ്ണുനീർ ഏത്കുഞ്ഞുങ്ങളുടേത് ആയിരുന്നു?