മരണവീട്-സബിത ടി വി

സബിത  ടി വി

അധ്യാപിക , മൗണ്ട് ഹിറ സ്കൂൾ പട്ടാമ്പി.

വിലാസം:

കഥാലയം

ഞാങ്ങാട്ടിരി (പോസ്റ്റ് )

പട്ടാമ്പി ( വഴി)

മരണവീട്

ഇന്നലെ കണ്ട മരണവീട്ടിൽ

ആളുകൾ നന്നേ കുറവായിരുന്നു.

പന്തലിട്ടതും പായ വിരിച്ചതും

വീട്ടുകാർ തന്നെ! 

കണ്ണീരിൻറെ ഗന്ധവും 

അലർച്ചയുടെ താളവും 

വാഴ വെട്ടാൻ പോയി...

പോസ്റ്റ്മോർട്ടം ചെയ്തപ്പോൾ

നെഞ്ച് കീറിയില്ലത്രെ.

നെഞ്ച് നിറയെ കരിങ്കൽ കനത്തിൽ 

ദുഃഖങ്ങളായിരുന്നു പോലും!!

ഞാൻ തളർന്നിരുന്നു,

മരിച്ചവൻറെ പായയിൽ 

എന്നെയും കിടത്തി... 

'കുന്തിരിക്കം വാങ്ങണ്ട...

എനിക്കിഷ്ടമല്ല.........'