നിഷ നാരായണന്
ഇന്ട്രോസ്പെക്ഷന്
===============
ഈയിടെയായി
നിലപാടുകളേയില്ല.
ചുമ്മാ കലുങ്കേലിരുന്ന്
ഊതിവിടുന്ന
ഒരു ബീഡിക്കനവു പോലെ,
പൊടിപിടിച്ച
ഫിലിംപെട്ടീലിരിക്കുന്ന
ഒരു തുണ്ടുപടം പോലെ,
പാര്ട്ടിയാപ്പീസ്ചുമരില്
തൂങ്ങിക്കിടക്കുന്ന
ഏംഗല്സ് ഫോട്ടോ പോലെ,
പീഡോഫീലിയ ,
സ്വാശ്രയം,ഇടിമുറി,
ബംഗാളി ഫ്ളോ,
ഇവയൊന്നും കണ്ടില്ലെന്ന്,
കേട്ടില്ലെന്ന് നടിച്ച്,
എന്നും രാവിലെ
വൈകിയുണര്ന്ന് ,
മുക്കിയും മൂളിയും
നിലപാടുകളുറയ്ക്കാതെ
തളര്ന്നു പാടുന്ന
ഒരു സിലോണ് റേഡിയോ,
ഞാന്.
No comments:
Post a Comment