(ആ ) ഗ്രഹങ്ങൾ-മുനീർ അഗ്രഗാമി

മുനീർ അഗ്രഗാമി
കോഴിക്കോട് ഉള്ളേരി സ്വദേശി 
നിലമ്പൂർ അമൽ കോളേജ് ഓഫ് അഡ്വാൻസ്ഡ് സ്റ്റഡീസിൽ 
അസ്സി:പ്രൊഫസർ 
കവിതാസമാഹാരങ്ങൾ 

ചേമ്പില ചൂടിയ പെൺകുട്ടി (2007 )

മയില്പീലികൾ പറയുന്നത് (2010)

മഞ്ഞു മൂടിയ മുടിയിഴകളിൽ(2010)

പതിപ്പുകൾ 

എന്റെ മലയാളം :രചനയും പഠന പ്രവർത്തനങ്ങളും 

(നാലു പതിപ്പുകൾ 2010 -2012 )

അവാർഡുകൾ 

ചേമ്പില ചൂടിയ പെൺകുട്ടിയ്ക്കു  2009 

കാവ്യവേദി അവാർഡ് ലഭിച്ചു.

(ആ ) ഗ്രഹങ്ങൾ

ഉടലിൽ ഒരു സൂര്യൻ

എരിയുന്നു

ഉടുപ്പുകൾ ക്കുള്ളിൽ

അത് പ്രകാശിക്കുകയാണോ?

ഉടയാടകൾ

അതിൻ്റെ പ്രകാശം

മറച്ചുവെയ്ക്കുകയാണോ ?

നാം ചർച്ച ചെയ്തു കൊണ്ടിരിക്കുമ്പോൾ

പിറന്നു വീണ കുട്ടി

നമ്മെ എത്ര പെട്ടെന്നാണ്

അവനെ ഭ്രമണം ചെയ്യുന്ന

ഗ്രഹങ്ങളാക്കിത്തീർത്തത്!

- മുനീർ അഗ്രഗാമി