ഉപ്പ്
മഴമിഴിയിലുയിരാർന്ന നീർക്കുമിളയാകാം
വെയിൽ കാഞ്ഞുറഞ്ഞോരു പരൽ മുത്തുമാകാം
അമ്മ തൻ കൈയിൽ രുചിക്കൂട്ട് തേടാം
അച്ഛന്റെ ചെന്നിമേൽ ചാലുകൾ കീറാം.
കുട്ടിയും കോലും കളിച്ചാർക്കും ബാല്യത്തി-
ലളകത്തിലഴകൊടെ മിന്നിത്തുടിക്കാം,
കൗമാര കൗതുകം കരളേറ്റി നിൽക്കേ
ചെറുമാങ്ങച്ചുനചേർത്ത് സ്നേഹം പകുക്കാം.
മോഹം കിതപ്പാറ്റി മാറിലേക്കമരവേ
സ്നേഹമായ് ചുണ്ടോടുചേർത്തു രുചിക്കാം,
പഴമകൾ മാറാല കെട്ടുമൊരോർമ്മയിൽ
ഓണമൊരുക്കുന്ന പൂക്കളമാകാം.
ഉണരാത്ത നിദ്രയായ് കരൾ പാതി പോകേ
തടയണകൾ തടയാതെയൊഴുകിപ്പരക്കാം,
അവസാന യാത്രയും ചൊല്ലിക്കഴിയവേ
